Har ek pal ko khud ke liye ziyo...

Har ek pal ko khud ke liye ziyo...

 Zindgi me ap kitna bhi apne man ko dauda lo. hath pair patak lo. ek baat ka hamesa dhyan rakhna ki yaha kishi ko bhi kishi bhi bat se koi jasti fark nahi padta

log apni vishesh jindgi me itne mashgul he ki apke dwara kiye gaye achhi ya buri kriya ya pratikriya ko jada samay tak yad nahi rakh pate.

or ham hamri adhi se jada jindgi logo ki khusi ,dukh ya fir logo ko dhikhane ya log kya kahege ya sochge me gujar jati he.

Ap ek bat ko gaur karna ki jab ham bachhe the bade khus the.choti choti khusiyon par ya dukh par hamari jo prati kriya hoti thi vo bahot hi saral or tez (loud) hoti thi.

jab khus hote the apni dono bahon ko khol kar pure mohalle me yaha se waha bhaga karte the.or jab rote the to bhi puri takat se apne gale ki sari indriyo ko active karke chillate the .

itna jor se ki sare mohalle ko ye pata chal jata tha ki aaj isne fir koi udham kiya or uski kutai ho rahi he. 

par ye jo bhi tha ye bada hi natural process tha.jo bhi chij hoti thi usme satt pratisat hamare emotions involved hote the.

Par q ab ham khusi ke mauke par vese hi hath faila kar bhaag nahi pate?

kyu ab rona aye to jor se rone ki bajaye ham khud ke bhitar hi sisak lete he ?

kyu apni kisi bhi chij ko jaaher karne ke liye baniye ban gaye or apni har chij ko naap taul kar utna hi dikhane lage  jitna ki log dekhna chahte he ya unhe achha lage? ya ajib na lage.

Hamare bhitar ke nirdosh emothions me kaha se ye sofistication ka Zagar ghul gaya.

ham organic chijo or food ko promote karte he or khana pasand karte he kyu ki vo pure he bina milawat ke.

or apna man ??

fir usme itna ghol mel kyu ??

kya ye sahi he?

Darshal ham jis samaj me reh rahe he ya jis civilization ka hame hissa banaya gaya he uske kuch apne process or stages he jis se hokar har kisi ko gujarna hota he.

pehla stage jab ham chote hote he to hamari nadaniya or galtiyo par tali bajati jati he or jab thode bade hote he to unhi galtiyon or nadaniyo par hamari kutai ki jati he

jab bachpan me bahot baat karte the to sunaya jata tha ki kitna bolte ho or jab thode bade hone par kam bolne lage to kehte he tum kaha khoye rehte ho ya baat kyu nahi karte.

itni dohri mansikta ke sath kaha jaya ja sakta he ? ya kaha tak jaya ja sakta he?

Aaj ke liye itna hi.....